Chelsea pëson disfatë të thellë në shtëpi nga Leeds United

0

Chelsea u mposht me rezultatin 4-1 në fushën e vet nga Leeds United, në takimin e vlefshëm për javën e 11-të të Premier League.

Ekipi i drejtuar nga Xabi Alonso nuk ia doli të përballonte reagimin e fuqishëm të skuadrës vizitore, e cila pasi u gjend në disavantazh, shënoi tre gola për të siguruar një fitore me peshë.

Vendasit kaluan të parët në avantazh në minutën e 25-të, kur Emmanuel Emegha shfrytëzoi një pasim që depërtoi mbrojtjen kundërshtare dhe me një goditje të saktë e dërgoi topin në rrjetë për 1-0.

Megjithatë, Leeds reagoi shpejt dhe vetëm tre minuta më vonë, në minutën e 28-të, barazoi shifrat. Dominic Calvert-Lewin asistoi për Noah Okaforin, i cili nga distanca e afërt shënoi për 1-1.

Mysafirët vijuan të kërcënonin dhe në minutën e 37-të Calvert-Lewin pati një rast të mirë, por gjuajtja e tij përfundoi jashtë kuadratit. Pak para mbylljes së pjesës së parë, Tarik Muharemovic gjeti rrjetën, por goli i tij u anulua për shkak të pozitës jashtë loje.

Pjesa e dytë filloi me një tjetër moment kyç për Leedsin. Pas një ndërhyrjeje brenda zonës, gjyqtari akordoi penallti në minutën e 50-të, një vendim që u mbështet edhe pas rishikimit me VAR.

Nga pika e bardhë u ngarkua Calvert-Lewin, i cili në minutën e 53-të u tregua i saktë për të përmbysur rezultatin në 2-1.

Vetëm gjashtë minuta më pas, Leeds shënoi golin e tretë. Noah Okafor mori një pasim dhe me një goditje të fuqishme e çoi topin në këndin e sipërm të portës, duke e quar rezultatin në 3-1.

Rezultatin përfundimtar e vulosi amerikani Brenden Aaronson, i cili në minutën e 91-të realizoi për epilogun 4-1 të ndeshjes.

Kjo disfatë përbën një goditje për Chelsean, që pas javës së 11-të bie në vendin e tetë të renditjes së Premier League, me vetëm 16 pikë të grumbulluara.

The post Chelsea pëson disfatë të thellë në shtëpi nga Leeds United appeared first on Albeu.com.

PËRGJIGJU

Please enter your comment!
Please enter your name here

1 × two =