Real Madrid do të përballet nesër në mbrëmje me Benficën në ndeshjen e kthimit të play-off-it të Champions League për kualifikim në 1/8-at. Një sfidë që vjen pas humbjes në kampionat kundër Osasunës në transfertë. Gjatë kësaj ndeshjeje, kamerat kapën një moment të pazakontë në stol. Pamjet tregojnë Antonio Rüdiger duke ngrënë diçka: bëhet fjalë për vezë të ziera, të ruajtura në një enë pranë vendit të tij.
Mbrojtësi gjerman i hëngri me një kafshatë, duke lënë pa fjalë shokët, veçanërisht Trent Alexander-Arnold, i cili nuk u besonte syve kur pa vezët që Rüdiger ia kishte ofruar edhe atij. Me shumë gjasë, Rüdiger e dinte se nuk do të aktivizohej në atë ndeshje.
Rudiger opening his fast with eggs during the Osasuna game pic.twitter.com/s9zfVeW5Qy
— WolfRMFC (@WolfRMFC) February 23, 2026
Një vezë e zier si “snack” është një ushqim i plotë, por jo zakonisht gjatë lojës. Prandaj Rüdiger ishte i vetëdijshëm se nuk do të hynte në fushë. Vakti i fundit zakonisht konsumohet tre orë para ndeshjes, ndërsa më pas ka ushqime “pritjeje”, kryesisht me sheqerna si banane, fruta të thata apo karamele.
Rüdiger është përballur me dëmtime këtë sezon. U rikthye më 14 shkurt kundër Real Sociedad dhe ka gjasa që Arbeloa ta aktivizojë titullar kundër Benficës. Ndërkohë, ai po rikuperohet për të rifituar formën më të mirë, teksa kontrata i skadon në qershor.
The post Rüdiger kapet duke ngrënë vezë në stol gjatë Osasuna-Real Madrid: shokët të habitur appeared first on Lapsi.al.
