Me 66 vota pro, 49 vota kundër dhe asnjë abstenim u votua mbrëmjen e së mërkurës në Kuvendin e Kosovës qeveria “Kurti 3”.
Pas më shumë se një viti, Kosova tashmë ka ekzekutivin e ri me kompetenca të plota. Albin Kurti, që ushtroi detyrën e kryeministrit, tashmë e ka marrë atë sërish me kompetenca të plota për një mandat 4-vjeçar. Qeveria arriti të krijohej pas një bllokade 1-vjeçare e cila e kaploi tërë vitin 2025.
Në qeverinë e re të Albin Kurtit do të ketë 4 ministri më shumë se aktualisht. Janë shtuar Ministria për Punë, Familje dhe Vlerat e Luftës Çlirimtare dhe Ministria e Administratës Publike dhe e Digjitalizimit u shtuan ndërsa Ministria e Sportit dhe Rinisë u nda nga ajo e Kulturës siç ishte në qeverinë Kurti II. U ndanë edhe Ministria e Infrastrukturës nga Ministria e Tregtisë dhe Transportit. Në ekzekutivin e ri gjithsej janë 20 ministri nga 16 sa ishin më parë.
Formimi i qeverisë u bë pak orë pas konstituimit të Kuvendit, proces i cili kaloi pa pengesa si në legjislaturën e kaluar. Në krye të kuvendit u ul Albulena Haxhiu me 66 vota, me nënkryetarë Ardian Golën nga VV-ja, Vlora Çitaku nga PDK, Kujtim Shala nga LDK, dhe nga komunitetet Slavko Simic dhe, Emilja Rexhepi.
Institucionet e reja, legjislatura e re e Kuvendit, dhe, qeveria e re, u formuan nga rezultati i zgjedhjeve të jashtëzakonshme të 28 dhjetorit.
Më poshtë është kabineti i ri qeverisës i Kurtit:
Zëvendëskryeministër i parë dhe Ministër i Jashtëm – Glauk Konjufca
Zëvendëskryeministre e dytë dhe Ministre e Drejtësisë – Donika Gërvalla
Zëvendëskryeministri i tretë për Çështje të Pakicave dhe Bashkëpunim – Fikrim Damka
Ministër i Financave – Hekuran Murati
Ministër për Punë, Familje dhe Vlerat e Luftës Çlirimtare – Andin Hoti
Ministër i Mbrojtjes – Ejup Maqedonci
Ministër i Punëve të Brendshme – Xhelal Sveçla
Ministër i Administratës Publike dhe Digjitalizimit – Lulzon Jaxhiu
Ministër i Shëndetësisë – Arben Vitia
Ministër i Arsimit dhe Shkencës – Hajrulla Çeku
Ministre e Kulturës dhe Turizmit – Saranda Bogujevci
Ministër i Sportit dhe Rinisë – Blerim Gashani
Ministër i Administrimit të Pushtetit Lokal – Elbert Krasniqi
Ministre e Mjedisit dhe Planifikimit Hapësinor – Fitore Pacolli
Ministër i Bujqësisë, Pylltarisë dhe Zhvillimit Rural – Armend Muja
Ministër i Infrastrukturës dhe Transportit – Dimal Basha
Ministre e Industrisë, Ndërmarrësisë, Tregtisë dhe Inovacionit – Mimoza Kusari
Ministre e Ekonomisë – Artane Rizvanolli
Ministër për Komunitete dhe Kthim – Nenad Rashiq
Ministër për Zhvillim Rajonal – Rasim Demiri
/LAPSI.al
The post Kuvendi i Kosovës voton me 66 vota pro qeverinë “Kurti 3” appeared first on Lapsi.al.
