Brazili humbi në miqësoren kundër Francës me rezultatin 2-1, pavarësisht se “Bleus” luajtën me një lojtar më pak për mbi 40 minuta. Një paraqitje e dobët e Seleçaos, që nuk bindi as për intensitet dhe as për cilësi, duke shkaktuar reagimin e publikut në Gillette Stadium.
Nga tribunat u dëgjua disa herë një kor i qartë: “Neymar, Neymar!”, një thirrje direkte për yllin e Santos, ende jashtë kombëtares pak muaj para Botërorit 2026 dhe një mesazh i qartë për teknikun Carlo Ancelotti.
Mungesa e sulmuesit vazhdon të diskutohet, por Ancelotti, pas ndeshjes, sqaroi qëndrimin e stafit teknik: “Me topin Neymar është shumë i zoti. Problemi është forma, nuk është në 100%. Duhet të vëzhgojmë, të vlerësojmë dhe të presim. Është mendimi im dhe i stafit, që do të vazhdojë ta ndjekë në ditët dhe javët në vijim”. Pra, nuk bëhet fjalë për një përjashtim teknik, por për një zgjedhje të lidhur vetëm me gjendjen fizike të lojtarit.
— siga: out of context brasileirão (@midiafutbr) March 26, 2026
Tifozët kërkojnë në kor për Neymar: klimë e nxehtë
Në fushë, Brazili u mbështet te lojtarë me përvojë si Raphinha, Vinicius Jr, Casemiro dhe Marquinhos, por pa gjetur vazhdimësi dhe shkëlqim. Pikërisht për këtë arsye, mungesa e një talenti si Neymar u ndje, sidomos në momentet kyçe të ndeshjes.
Nga ana e tij, ish-lojtari i Barcelonës nuk e fshehu zhgënjimin për mungesën e grumbullimit, por mbeti optimist: “Nuk jam grumbulluar, sigurisht që jam i zhgënjyer, por vazhdoj të punoj çdo ditë. Objektivi mbetet Botërori dhe lista finale është ende e hapur”. Një mesazh i qartë që tregon se gara drejt 2026 nuk është mbyllur ende.
Në mbështetje të tij doli edhe Kylian Mbappé, i cili para ndeshjes tha: “Neymar është një lojtar që bën diferencën. E njoh cilësinë e tij dhe jam i sigurt që do të përgatitet për Botërorin”. Koha po kalon, por ndeshja e Neymarit, të paktën për momentin, është ende për t’u luajtur.
The post Brazili humbet me Francën, tifozët thërrasin për Neymar: Ancelotti tani nën presion appeared first on Lapsi.al.
