Bianca Censori ka nisur përgatitjet e festave të fundvitit. Gjatë një vizite për blerje në Los Angeles, megjithatë, veshja e saj ra më shumë në sy sesa dekorimet që po kërkonte.
Arkitektja australiane u fotografua në dyqanin luksoz Williams Sonoma, në qendrën tregtare The Grove, ndërsa po shihte artikujt e Krishtlindjeve. Sipas TMZ, ajo shpenzoi rreth 2 mijë dollarë për dekorime shtëpie.
Censori, 31 vjeçe dhe bashkëshortja e reperit Kanye West, kishte veshur një bodysuit të ngushtë ngjyrë kafe që linte të dukshme të pasmet. Ajo e kishte kombinuar me çizme me taka mbi gju, të zbukuruara me pjesë transparente dhe motive në stilin e lëkurës së gjarprit.
Pak ditë më herët, ajo kishte qenë e pranishme për të mbështetur West-in në sfilatën e koleksionit “Yeezy Season 01”, të mbajtur në Los Angeles më 4 nëntor. Për atë rast, Censori kishte zgjedhur një bodysuit bezhë me dekolte të hapur dhe çizme lidhëse të së njëjtës ngjyrë.
Në event morën pjesë edhe katër fëmijët e Kanye West-it nga martesa e mëparshme me Kim Kardashian: North, Saint, Chicago dhe Psalm. Çifti u martua në dhjetor të vitit 2022.
Bianca Censori është nga Melbourni i Australisë. Ajo studioi arkitekturë në Universitetin e Melbourne-it dhe në vitin 2020 përfundoi studimet pasuniversitare, duke marrë diplomën master në këtë fushë.
Në nëntor të vitit 2020, ajo nisi punë si dizajnere arkitekturore në markën Yeezy të Kanye West. Lidhja mes tyre u bë publike më vonë. Në një intervistë të mëparshme për revistën Vanity Fair, Censori shpjegoi arsyen e martesës me reperin amerikan.
“U martova me të sepse e dua. A është kjo gjëja më e zakonshme dhe më klishe që mund të thuhet ndonjëherë?”, u shpreh ajo.
The post Bashkëshortja e Kanye West shfaqet me veshje provokuese dhe shpenzon rreth 2 mijë dollarë për dekorime appeared first on Albeu.com.
