Wizz Air, kompania ajrore më miqësore ndaj mjedisit në rajonin EMEA , ka kënaqësinë të njoftojë ndryshime të rëndësishme në programin WIZZ Discount Club (WDC), si pjesë e angazhimit të saj të vazhdueshëm për të vendosur pasagjerët në qendër të operacioneve, përmes nismës ‘Klienti Vjen i Pari’.Duke filluar nga data 30 prill 2025, Wizz Air do të prezantojë një version të përmirësuar të WDC, me përfitime të reja të ndërtuara mbi sugjerimet e klientëve, të fokusuara në rritjen e vlerës, personalizimit dhe shërbimit për anëtarët besnikë në të gjithë rrjetin.
- Përveç uljeve ekzistuese të çmimeve të biletave, anëtarët do të përfitojnë:
- Prioritet në radhët e Kujdesit ndaj Klientit
- Oferta ekskluzive për ditëlindjen dhe përvjetorin e anëtarësimit të tyre
- Ulje dhe promocione të dedikuara vetëm për anëtarët e WDC
- Përfitime shtesë në bashkëpunim me partnerët tanëKëto përmirësime janë fryt i dialogut të drejtpërdrejtë me pasagjerët dhe përputhen me katër shtyllat kryesore të nismës ‘Klienti Vjen i Pari’: Produkti, Çmimi, Shërbimi dhe Komunikimi. Qëllimi ynë është të përmirësojmë vazhdimisht përvojën e udhëtimit duke investuar në shërbime që pasagjerët i vlerësojnë më shumë.Anëtarët ekzistues të WDC do të informohen për këto ndryshime dhe do të kenë mundësinë të zgjedhin nëse i pranojnë ato, ose të tërhiqen nga programi, duke përfituar një rimbursim proporcional bazuar në muajt e mbetur deri në skadim. Kërkesat për rimbursim do të trajtohen nga Qendrat e Kontaktit të Wizz Air, përmes telefonatave ose bisedave në chat.Për më shumë informacion mbi WIZZ Discount Club të përditësuar dhe përfitimet e reja për anëtarët, vizitoni: https://wizzair.com/en-gb/information-and-services/wizz-discount-club.Gabriele Imperiale, Menaxher i Komunikimeve Korporative në Wizz Air, komentoi:“Ajo që po prezantojmë sot është shumë më tepër sesa një përditësim i thjeshtë i WDC. Duke shtuar oferta të personalizuara, prioritet në shërbim dhe promocione të dedikuara, po ndërtojmë një model ku besnikëria shpërblehet me eksperienca të personalizuara dhe kujdes të veçantë përgjatë gjithë udhëtimit të klientit. Këto përmirësime janë një përgjigje e drejtpërdrejtë ndaj asaj që pasagjerët na kanë thënë se vlerësojnë më shumë. Ndërsa vijojmë zbatimin e nismës Customer First Compass, mbetemi të përkushtuar ndaj përmirësimit të vazhdueshëm të përvojës së udhëtimit – jo vetëm përmes më shumë përfitimeve dhe fleksibilite, por duke dëgjuar dhe evoluar së bashku me klientët tanë.”