Rama i ka hapur rrugën zgjedhjeve të parakohshme në Tiranë, pas shkarkimit të Erion Veliajt nga posti i kryebashkiakut.
Vetëm 5 ditë pas shkarkimit të Erion Veliajt, Këshilli i Ministrave, ka njoftuar zyrtarisht Presidentin Bajram Begaj, për vakancën në Bashkinë e Tiranës.
Nga ky moment, kur shkresa ka mbërritur në tavolinën e Begajt, ky i fundit ka afat 48 orë kohë për të dekretuar datën e zgjedhjeve.
Pritet me interes vendimi i Begajt, në kushtet kur kryebashkiaku Erion Veliaj, ka ankimuar në Gjykatën Kushtetuese vendimin e Këshillit të Ministrave për shkarkimin e tij.