Partizani vijoi përgatitjet pa ndërprerje pas njoftimit të djeshëm për ndarjen nga trajneri Florin Bratu. Skuadra po përgatitet për transfertën ndaj Vorës, që do të luhet më 18 shtator.
“Demat e Kuq” publikuan në rrjetet sociale pamje nga seanca stërvitore e ditës së sotme. Drejtimin e përkohshëm të ekipit e ka marrë Alfred Deliallisi, i cili aktualisht është trajner i Partizani B.
Ndërkohë, sipas raportimeve të mediave, Mislav Karoglan shihet si trajneri i ardhshëm i 17 herë kampionëve të Shqipërisë. Kroati pritet të marrë “frerët” e skuadrës së kuqe.
The post Pas largimit të Bratus, Alfred Deliallisi merr përkohësisht drejtimin e Partizanit appeared first on Albeu.com.