Maturantët nesër do të ulen për herë të parë në ‘tavolinën me tezën e lirimit’. Më tre qershor do të zhvillohet provimi i parë i Maturës Shtetërore, që është i Gjuhës së Huaj.
Ministrja e Arsimit dhe Sportit, Ogerta Manastirliu në një postim në rrjetet sociale shkruan se nesër do të mbahet provimi i parë, dhe ka listuar rregullat e maturës.
Maturantët duhet të paraqiten në ambientet e shkollave në 08.30, ndërsa provimi do të fillojë në orën 10:00 dhe përfundon në orën 12:30.
Çfarë duhet të keni me vete:
Mjet identifikimi (kartë ID ose pasaportë).
2 stilolapsa, vizore e vogël, makinë llogaritëse e thjeshtë.
Veshje e rregullt
Uniforma e shkollës.
Në mungesë të uniformës, bluzë + xhinse
Shishe me ujë.
Ushqehuni mirë në mëngjes në shtëpi
Ndalohen rreptësisht:Telefonat Ora smart
Rregulla gjatë provimit:
Përdorni stilolaps me një ngjyrë dhe kurrë më shumë se një ngjyrë në plotësimin e testit
Firmosni kur merrni dhe dorëzoni testin.
Kontrolloni testin për pasaktësi ose paqartësi në lexim.
Nuk lejohet largimi para 12:30.
Sjellje korrekte dhe vëmendje gjatë testit.