Pas ngjarjes së rëndë të ndodhur në Lisbonë ku një tramvajë doli nga shinat në një nga zonat turistike më të njohura të kryeqytetit, Portugalia e ka shpallur ditën e sotme, ditë zie kombëtare. Prej këtij aksidenti 15 persona mbetën të vrarë dhe 18 të tjerë të plagosur. Autoritetet kanë hapur një hetim për aksidentin, i cili ndodhi në tramvajën Gloria, i cili lidh sheshin Rossio me distriktet Bairro Alto dhe Principe Real.
Shkaku i aksidentit është ende i panjohur. Të gjitha viktimat u nxorën nga rrënojat e përplasjes që ndodhi pak pas orës 18:00, u tha gazetarëve në orët e para të mbrëmjes Thiago Augusto, kreu i shërbimit të ndihmës së shpejtë, duke sqaruar se midis viktimave ka edhe të huaj, pa qenë në gjendje të specifikojë kombësinë e tyre.
Ky teleferik, i cili mund të mbajë rreth 40 pasagjerë (gjysma e të cilëve në këmbë), është një mjet transporti i përdorur nga turistë të shumtë që vizitojnë kryeqytetin portugez.
“Është një tragjedi që nuk ka ndodhur kurrë në qytetin tonë”, tha kryebashkiaku i Lisbonës, Carlos Moedas.
The post Aksidenti tragjik me tramvaj, Portugalia shpall sot ditë zie kombëtare appeared first on Lapsi.al.