A e dini se kush është kafsha më e veçantë në botë, që nuk plaket kurrë?
Në botën e egër ekziston një krijesë që duket si e ardhur nga një film fantastiko-shkencor – aksolotli, një amfibian i rrallë nga Meksika, që mahnit shkencëtarët dhe adhuruesit e natyrës me aftësitë e tij të jashtëzakonshme.
Kjo kafshë e vogël, e cila jeton vetëm në ujërat e ëmbla të liqeneve të lashta të Meksikës, nuk kalon kurrë në fazën e rritur të plotë si amfibët e tjerë. Në vend që të zhvillohet plotësisht, ajo ruan karakteristikat e saj të larvës gjatë gjithë jetës – një fenomen i quajtur “neotení”.
Aksolotli ka një superfuqi që i ka habitur studiuesit për dekada: mund të rigjenerojë pjesë të trupit të tij, përfshirë këmbë, sy, pjesë të zemrës, madje edhe pjesë të trurit – pa asnjë shenjë dëmtimi!Pavarësisht këtyre cilësive të rralla, kjo krijesë e mrekullueshme është në rrezik zhdukjeje për shkak të ndotjes dhe humbjes së habitatit të saj natyror. Sot, aksolotli është simbol i përpjekjeve për mbrojtjen e biodiversitetit dhe një objekt studimi i rëndësishëm për mjekësinë rigjenerative.