Ndoshta pa e ditur dhe duke menduar se i bën mirë, i lani flokët më shpesh se sa është e nevojshme!
Edhe pse larja dallon nga tipi i flokëve, larja e përditshme është një gabim shumë i madh. Kjo mund të çojë deri në irritimin e lëkurës së kokës, paraqitjes së zbokthit dhe problemeve të tjera.
Arsyeja pse flokët bëhet të papastra janë gjëndrat dhjamore të cilat prodhojnë një lëndë që ndalon tharjen e lëkurës dhe flokut.
Për personat me flokë të dendura dhe kaçurrele do të ishte mirë që t’i lanin flokët dy herë në javë me shampo hidratuese dhe regjeneruese, pasi flokët e tyre nuk janë të yndyrshme dhe nuk ka nevojë të lahen më shpesh.
Për personat me flokë normale preferohet që flokët të lahen në 3 deri 4 herë në javë. Sipas këshillave të profesionistëve, nëse keni shprehi që flokët t’i lani çdo ditë, do të duhet të hiqni dorë nga kjo shprehi e keqe. Filloni të kapërceni nga një larje nga rutina e zakonshme.